2014/04/16

4日3夜Crazy Family華欣自由行- Day 3(上)

Day 3
今天既行程就是無行程, 主打一個"hea"字. 去咁多次旅行都從來無試過會安排全日在酒店hea的呢. 今日真的要好好Relax吓. 早上陶寶B嘆完支奶後就去食個正早餐先. 
莎拉今早又係整番碗湯粉先. 今天陶寶B座既呢張High Chair好有大自然風格, 真係食早餐都食得開心啲, 莎拉好like呢張椅呢.
雖然今天只是安排在酒店內活動, 但係節目都好豐富架, 因為早上既節目就有莎拉期待已久既Spa!!!! 陶寶B既出現很, 前前後後都有差不多2年多未做過Spa了. 雖然明知酒店內的spa一定會比出面的spa貴, 但係今次點都要對自己好一些, pamper一吓自己試吓six sense酒店集團出名既Spa-The Earth Spa.

為了全家人都可以試吓酒店既spa, 當莎拉同嘆spa時, 婆婆就負責幫手照顧一吓陶寶B. 而當我們完成Spa之後, 就輪到婆婆享受spa. 而莎拉就安排細妹及妹夫會中午時份嘆spa, 然後他們下午就可以去Hua Hin Vineyard (華欣酒莊), 拍住拖享受二人世界. 莎拉想了好耐才想到呢個Planning, 咁樣就全部人都可以嘆spa, 而細妹兩公婆又可以二人世界一吓. 
因為在之前已經向酒店索取spa menu, 所以一早大家已決定了booking時間及選擇了spa. 莎拉同謝菲食過早餐之後就去The Earth!
過去做咁多次做spa都會安排係下午時份, 因為感覺上經過一天的活動之後才做spa會更加享受, 但是沒有辦法啦, 為了下午另外安排的節目, 唯有在早上做spa呢.
The Earth用上天藍色(tiffany blue)作為色調, 接待位置同樣是採取"天然風", 雖然沒有冷氣的, 但不會覺得悶熱, 門口的水池令到客人聽到流水聲整個人都會放鬆. 
莎拉同謝菲都選擇了一個80分鐘的Fusion massage+30分鐘body scrub (3200baht/person). 
而The Earth做spa既房間分2種, 一種係室內冷氣房, 而另一種是室外Pavilions.

Pavilions是5間在室外的開放式小茅屋, 旁邊伴以荷花池包圍, 真係好靚的環境呀.

莎拉雖然事先已揀選了室外Pavilions, 但因為要做body scrub, 所以不可能在室外做呢, 不過spa都可以安排先在室內做body scrub, 完成後就轉去Pavilions做, 但莎拉覺得有啲麻煩, 加上怕室外環境會熱, 所以最後改為室內冷氣房.

填過有關需要的按摩力度及疲倦位置問卷後, 職員就分別帶我們去自己的更衣室. 更衣室內好乾淨好光猛, 莎拉先沖個涼先, 之後就可以享受steam room 及 sauna room. 這裡的sauna room內是可以望到室外的, 莎拉都是第一次見(定係本人少見多怪呢?). 嘆個suana後來一個冰水shower, 一熱一冷後感覺皮膚特別乾淨呀. 之後就可以座係呢個更衣室連接的小茅屋內靜靜的看看雜誌, 飲杯水refresh一吓.

莎拉真係的很喜歡呢個spa的前奏呀, 真係是有relax. 所以之前在email book spa時, 他們已建議我們提早30分鐘來享用他們的steam room 及 sauna room呀, 真的沒有介紹錯呀.


到了差不多時間, 幫莎拉做spa既按摩師就帶我們進入另一個室內冷氣房, 因為我們是臨時改為室內, 所以被安排了一間沒有任何窗戶的雙人房, 因此望不到任何室外境觀呢(所以如果book室內房時最好request有室外境觀). 按摩師全程的力度及舒適程度是excellent, 加上兩位按摩師絕對不會期間傾計影響客人, 真係100分的服務. 莎拉真係的好享受呢110分鐘既時間(因為過後就要繼續侍侯我的主子-陶寶B), 有一刻好似回到了未有陶寶B既時候靜靜的與謝菲享受二人世界. 做完Spa後不需要著急換衫, 穿回浴袍後座係出面的小偏廳飲啖香茶食件冰凍西瓜, 好嘆好爽.

雖然The Earth Spa價錢是貴了一點, 但都是值得一試, 因為莎拉同謝菲都一致覺得今次的spa是過去咁多次經驗中最好的一次呀. 臨離開The Earth Spa前, 莎拉又再忍唔住買了The Earth出品的lemongrass味body lotion, 因為酒店房間所供應的body lotion就係呢款呢, 所以要將佢帶回香港.

做完spa後就在酒店內周圍行一行, 因為睇過酒店地圖見到有Kids zone及自家農莊, 去望一望都好呀. 沿途經過見到另一種房間Evason Studio, 係網上check過, evason room與evason studio房內分別不大, 主要是studio就多了一個大露台及有一張戶外床, 相信晚上瞓在床上望星星一定好正呀.

因為Evason酒店係走eco-friendly, 所以就有一個自家農莊, 農田真係好環保呢, 因為居然會廢物利用啲玻璃樽圍成國田地.


見到呢啲咁靚既菜芯相信就係每天早餐buffet內, 莎拉最愛的湯粉內所用的菜芯了.

行過農田後就見到有一個水塘中間有一間小茅廬.

再行入去, 就到達了kids zone. 其實酒店有提供baby sitting既服務, 不過陶寶B還細呢, 待他大一點一定要試一試呀. 除了baby sitting服務, 還有一些小朋友活動, 例如face painting, glass painting等等既活動.

另外, kids zone內還有一個滑梯連接小朋友泳池, 好啱小朋友玩呢 (因為正正有幾位外國人在泳池玩, 覺得就咁影相好似不是太禮貌, 所以沒有影到相呢). 行完個圈之快快回酒店房接婆婆班啦, 因為輪到婆婆做Spa時間, 而我地就同陶寶B去食Lunch.

8 comments:

  1. 睇到莎拉既介紹, 我都想去旅行添~

    ReplyDelete
    Replies
    1. heehee, 我好似放毒咁引大家去旅行呀!!! 快啲嚟個親子遊啦

      Delete
  2. spa.... 正呀~~~ 我同老公去 spa weekend 都係一個看仔一個嘆 spa.

    ReplyDelete
    Replies
    1. 好彩今次係全家人一齊去旅行, 所以先可以同老公同一時間嘆spa咋, spa真係幾時都咁正, 如果可以嚟多次spa就perfect啦

      Delete
  3. 齋睇我都感覺到好正
    我都好想去spa呀~~~~~~~~~~~~~

    ReplyDelete
    Replies
    1. heehee, 去一轉泰國做個spa relax吓啦,,真係好爽呀....(魔鬼莎拉係咁引你!!!!^o^)

      Delete
  4. 個士巴真係好正咁喎~ 同屋企人去實左太好, 有人輪住照顧下小朋友~

    ReplyDelete
    Replies
    1. 如果係有小朋友一起同行, 真係一定要有其他家人一齊去, 咁才可以enjoy spa呢,,,而家諗起都想去呀!!!

      Delete