中秋節快樂

莎拉小時候好鍾意中秋節架(到已家都好鐘意), 有好味既月餅食, 又有好多時令生果, 最緊要係有得落街玩燈籠(即係玩火啦), 加上仲有假放, 所以真係好鍾意呢個人月兩團圓既節日呀.  
今年加入新成員陶寶B, 所以今年既中秋節特別有意義呀! 小朋友過中秋就一定要有燈籠玩(Heehee, 其實係莎拉媽媽想玩陶寶B就真), 不過佢人仔細細, 又未識得玩燈籠, 所以真係好難揀到個啱心水架呢. 剛好陶寶B既姑姐有朋友送咗個好Cutie既白兔燈籠仔比佢, 所以姑姐就俾咗呢個燈籠仔俾陶寶B啦. 因為佢仲未識得拎住, 所以唯有插係架BB車啦, 著咗燈之後, 陶寶B仲會眼仔碌碌望實個燈籠仔.

敗家記 - Reebonz (online store)

座月個一排, 因為成日上網所以留意到一間新加坡公司叫Reebonz既會員制online store. Reebonz係專賣水貨名牌手袋銀包之類既用品, 有啲似香港既Twist, 所以價錢會比正價平.
而Reebonz既消售形式都幾特別, 因為佢每件貨品都係有時限供購買, 好多時都係只放上網2-3日.
另外就係每件貨物都係得好少量, 有時得1-2件, 所以可能會出現想買既心頭好, 睇兩睇, 等兩等, 轉頭已經俾人買咗, 所以係要搶.
不過其實online買嘢, 最擔心就係買到假貨, 所以莎拉都係做吓research睇定啲先. 上網search完一輪, 發現啲人comment因為間公司係新加坡公司, 那邊既法例比較嚴, 所以賣假嘢既機會比較微, 加上莎拉見佢近來係好多時裝雜誌落晒廣告, 仲有就係見有啲網民既售後評價都OK, 所以都可以試一試. 
莎拉呢次既目標就係"奶粉袋", 所以睇咗及等咗一排, 終於見到個啱心水既"奶粉袋"啦, 就係Kate Spade既 tote bag,

因為見佢價錢都唔算太貴, 二來個袋面係膠面可以方便清潔呢. 所以就決定買啦.
俾咗錢後, 第4日就收到速遞Fedex由新加坡送嚟既包裹(ps包郵費架).
嘩, 好大盒呢, 成個大膠袋包實個箱!上面綁咗隻好大既蝴蝶結, 好似拆禮物一樣.

3rd month成長之路

體重及身長:
上次入醫院時上過磅, 所以知道陶寶B而家重5.76kg(12.7磅), 今次就比起上一個月約1磅, 而check番係陶寶B本健康手冊, 佢既體重同樣係生長線上, 進度良好呀! 而佢既身仔就唔知Exactly係幾長, 不過好多衫仔已經開始著唔到啦, 有啲仲要買6m既size先可以fit 到佢既身長呢. 所以而家莎拉媽媽買衫仔俾陶寶B都要買6M以上先得啦!!!

再度生猛

經過幾日既休息食藥, 陶寶B已經回複精靈, 再度生猛啦!!!!

莎拉媽媽見到陶寶B再次頑皮曳曳, 眼仔碌碌就放心晒LU!! 雖然遲啲重要做Testing, 但係暫時可以放下心頭大石呢.

陶寶B病了

莎拉放完產假返工唔夠2星期, 陶寶B就病咗啦!
事原上星期三下午, 婆婆打電話嚟話陶寶B有啲發燒, 用耳探38.5C, 所以就拿拿聲去屋企附近既診所, 去到診所醫生用紅外線探就成39.5C, 而因為陶寶B未夠3個月就發高燒, 所以要轉介去醫院!
婆婆打嚟俾莎拉時, 真係嚇c媽咪同嗲哋, 所以莎拉同謝菲一放工就立即去廣華醫院滙合婆婆同陶寶B.
去到醫院用肛探都有成39c, 所以要入院留醫. 見到陶寶B眼仔同dup晒, 眼腫腫, 連喊都無力, 真係好心痛!
上到病房見醫生, 因為陶寶B係發高燒, 驚佢係腦膜炎, 所以要做脊椎穿刺以便取得腦脊髓液既物質作化驗, 除此之外仲要肺部照x光, 抽血, 驗小便, n咁多個test! 而期間會打對付腦膜炎既抗生素先!
搞完一大輪, 陶寶B就安排瞓在育嬰箱(保溫箱),  陰公豬, 一隻手就種豆豆, 另一隻手就抽血, 一隻脚就駁住儀器監測佢既心跳及血氧量, 媽媽見到都忍唔住喊!!

拳頭好味道

自從陶寶B兩個月大之後, 佢就開始好鐘意食拳頭, 仲要每次都食得好知味, 成日食到"Chap chap"聲.


特別係佢肚仔餓時或者係想瞓覺時, 佢就會食拳頭, 食手手. (唔通食手手可以止肚餓?!!)

所以而家一見佢手拳頭, 就會換個奶咀俾佢, 免得佢慣性食手手呀!

喜怒哀樂

BB既心情同表情真係好難預計得到,每一日內都會經歷"喜怒哀樂"呢四個心情架.

我要喜: 肚仔餓, 見到支奶奶, 當然係喜啦, 因為終於都可以開餐啦!!

我要怒: 食飽奶奶想瞓想瞓既時候, 媽咪拍醒, 仲唔俾個怒既表情呀!

我要哀: 扭抱時, 無人理, 梗係即時哀俾你睇.

我要樂: 心情好, 同你玩既時候就鬼咁開心!

謝菲嗲哋生日 - Berliner German Bar and Restaurant

02/09/2012

謝菲第一次以嗲哋既身份過生日, 所以莎拉媽媽寫咗張生日卡, 而陶寶B就送咗佢既腳掌印俾嗲哋祝佢生日快樂呀!!!!! (莎拉整既呢個腳掌印時真係雞手鴨腳)
 
日頭既慶祝節目就係一家三口一齊切蛋糕, 今次人少少就買咗個東海堂季節限定既牛乳白桃慕絲蛋糕, 味道淡淡地, 不過啲白桃就好好味呀!

我的gym gym gym

自從陶寶B滿月之後, 莎拉就買咗張Fisher price既gym遊樂墊俾佢玩.

因為之前陶竇B夜晚成日仲好精靈唔願瞓, 所以日頭就要用啲方法同佢burn out佢既精力, 最好不過就係等佢郁動多啲啦.

媽咪, 唔掃風得唔得呀?!

每次餵完奶, 掃風就係指定動作, 但係每次陶寶B都俾番呢個樣俾莎拉!!!!

好無奈, 想點先?!!! 好明顯, 陶寶B既表情係"唔好搞我啦, 唔掃風得唔得呀!!!" 

返工前高茶 - Cucina

產假最後一個星期，點都要盡情享受，所以星期五謝菲又再請半日假同莎拉出去拍下拖！

目標節目都係行街加hightea, 但係又唔想好似上次hightea 大排長龍沒有位，所以想搵間有得book位!

無意間到係尖沙咀既Marco polo hong kong hotel內既Cucina 有hightea仲可以book 位，咁就試試呢間啦！食之前上過openrice睇，原來之前經佢個website online book位仲有八五折，舒舒服服行完街就可以有位，唔駛等餐C!

兩父子

謝菲爸爸雖然湊陶寶B唔夠莎拉媽媽熟手, 但係有時佢都可都幫係手, 例如會叫佢幫手抱吓BB"暗"瞓覺, 佢都"暗"得唔錯架, 睇吓, 暗暗吓到最後連自己都瞓咗呀!!! 

有時早上陶寶B醒咗, 莎拉就會抱BB上床, 等陶寶B叫醒嗲哋, 哈哈哈, 呢個方法真係萬試萬靈, 因為謝菲嗲哋會忍唔住同陶寶B玩, 所以好快會醒呢!!!

媽媽上班了

10星期既產假話咁快就結束了, 剛好假後上班既日子就是9月3日, 同樣是學生們的開學日, 呢10星期就好似夜暑假一樣(哈哈哈, 上一次放暑假都已經係N年之前啦).

雖然睇番轉頭初出世時第一個月陶寶B好扭計, 搞到莎拉媽媽同謝菲爸爸出現極度唔夠瞓既情況, 所以其實呢個暑假都好辛苦, 不過就算每日都係On Call24小時, 但係莎拉都覺得係值日. 而每日見佢都好似大個囝咗, 真係都好想留住每一刻!!!

嬰兒媽咪護理系列 - ABCDerm

昨日收到一份好實用既禮物, 啱晒BB同媽咪用既就係一set 全新嬰兒媽咪護理系列ABCDerm, 包括有
嬰兒護膚水
嬰兒洗髮沐浴啫喱
嬰兒保濕潤膚乳 
嬰兒礦物防曬霜SPF50+
嬰兒換片護理霜
嬰兒唇邊修復霜
產後修身緊緻霜
呢隻牌子係Bioderma既新product line, 本身莎拉都有用bioderma既產品, 所以就不如都試吓佢既BB product啦.
剛好下星期莎拉開始要返工, 咁陶寶B日間就交俾婆婆手湊, 所以啲BB護理系列都要預備多一Set, 所以呢一籃既禮物就非常啱用啦. 遲啲試用過後陶寶B再同抉家分享用後感啦!!!