好友飯局 - 板前割煮

好朋友生日, 幾個女仔Friend就可以嚟個Ladies Night Dinner啦. 決定去邊度食飯前, 當然要問一問生日既好朋友想食咩, 點知佢話想食"懷石料理". 莎拉都未食過"懷石料理"呢, 只知道係一個好精緻又好貴既日本料理呢. 於是就上openrice serach吓有咩懷石料理既餐廳, 最後就揀咗呢間係銅鑼環既"板前割煮".
莎拉都知道"懷石料理"唔平呢, 不過真係估唔到係要每位接近4位數字呢. 但係最搞笑就係我呢位朋友, 佢以為"懷石料理"係在舊石上面燒食物(stone grill), 真係俾佢笑C呀, 所以佢食呢餐飯時就勁唔好意思, 因為價錢咁"甘". Heehee, 不過唔緊要啦, 人一世物一世, 咩都要試吓呢, 橫搭我地全部人都未食過, 見識吓咩听"懷石料理"都好架.
莎拉前一晚booking既時候, 餐廳就要confirm是否食懷石料理, 因為師夫需要從日本order食材, 待明天可以空運到港(嘩,,,,咁尊貴, 唔怪之得收呢個價錢啦).
好啦, 終於都嚟到我地4位朋友仔都極之期待既Dinner啦, 莎拉仲帶定相機影相, 點知一開部相機係無memory card (Oh No!!!!!!!!!邊個係上一手用家呀?!!!謝菲你好嘢呀!!!!), 唉,,,莎拉唯有用自己部cheap cheap手提電話影啦.

與陶寶B一起的日子- WK26 (廣華產檢)

呢個星期又到咗返廣華醫院產檢啦, 今次既Appointment係11:40am, 雖然上次係廣華既產檢好快手, 但係莎拉都知上次係好彩架啦. 不出我所料, 今次等咗成個鍾先到自己, 入到去見醫生都已經係12:40pm啦 (C火啦, 下午仲要趕1:30pm前返到公司, 實遲到!!!!)

今次個醫生同姑娘好Nice呢, 唔似上次個醫生咁Cool. 今次檢查都係先瞓上床, 再用聽心跳機聽BB心跳, 之後就問吓BB有無踢踢. 醫生就用手模吓我個肚(醫生仲話唔好意思,  因為佢雙手有啲凍), 之後用尺度吓個肚既Size, 咁基本上就完成檢查啦.
莎拉起身落床時, 好似平時咁一下正面彈起身, 姑娘就好細心咁叫莎拉以後唔好咁樣起身, 因為而家個肚大, 正面起身好容易會整親脊骨架, 所以起身時要習慣打側起身呀!!!! 多謝姑娘既溫馨提示呀!
另外上次既驗血報告, 大至上沒有問題, 但就有少少貧血, 所以就開咗啲鐵丸俾莎拉, 醫生同姑娘仲千丁萬囑一定要食呀, 如果唔燧對BB及媽媽都唔好架!

與陶寶B一起的日子- WK25(私家產檢)

近來天氣時冷時熱, 莎拉終於都病咗啦!!!! 雖然沒有發燒, 但係所有感冒既徵狀全部齊晒, 喉嚨痛, 流鼻水, 咳, 今次真係全包宴呀! 最慘莫過於沒食藥等佢自然好, 雖然莎拉有睇醫生, 但係只係睇咗普通既家庭醫生, 所以啲藥都係盡量避免唔食, 不過代價就係咳到傻咗, 連聲都變埋呀,,,最後用咗足足一星期先至好番呀!!!!

雖然呢個星期唔舒服, 但係因為呢個星期番去陳醫生到產檢, 所以都好開心呢, 因為又可以見到陶寶B啦!!!  今次等得比較耐, 足足等咗成個鍾先見到醫生.

一上磅, 今次終於都有進賬啦, 過去2個月重咗6磅, 雖然唔係好多, 但係而家陶寶B都有成0.95kg (即係2磅), 佢依然係中碼BB呀! 陳醫生話唔需要太過介意自己唔多重, 因為最緊要係BB有重到, BB有大隻咗就可以架啦.

今次陳醫生仲照3D超聲波, 等我地睇到陶寶B個樣呢, 不過影相時佢成日郁, 所以面既上半PART影得唔多清楚呀!!! 只係睇到個下巴仔有少少尖尖地, 而個鼻就扁扁地(似莎拉呀!), 見到張相真係好期待陶寶B, 好想見到佢呢!

產前講座 - 優[生]養胎大全

之前係BB Care (康研)報咗個4堂既產前講座, 所以就送咗另一個course叫"優[生]養胎大全"既course. (http://www.bbcare.hk/index.php?page=courseDetail&pageCatId=5&detailId=643). 今次係第一次莎拉同謝菲一齊上堂呢, 大家放工後就一齊上去, 當日全班都full晒, 估計都有50人(大約20對couples). 主講既係一位註冊藥劑師, 內容主要分幾部份, 例如教點樣選擇有機食品, 平時如何選擇有益既食物, BB斷奶期既飲食, 食物敏感及嬰兒疫苗.

哈哈, 入到去課室, 就首先每對Couples一份禮物(最鐘意有free gift架啦), 包括一包有機小麥兒童動物意大利麵, Bioscreen美肌磨沙, Organic baby shampoo及body wash, 有機嬰兒奶粉sample及一支偏酸既純水(for皮膚).

與陶寶B一起的日子- WK24 (大肚look)

進入wk24, 唔經唔覺都成6個月啦, 即係話懷孕既過程都已經過咗一半啦. 肚皮而家已經大咗好多啦!

三點三之選- 藍莓脆脆鬆餅(blueberry muffin) (附有食譜)

係報紙度睇到呢個藍莓脆脆鬆餅(blueberry muffin)既食譜, 加上呢一排街市啲藍莓又平又靚, 就整呢個muffin啦!!!! 橫掂偷懶咗一排既莎拉都好耐無焗蛋糕muffin之類既嘢食啦.
星期六整就最好啦, 因為可以成為3點3既美味下午茶啦!!!
呢個receipe最特別就係面頭加咗啲脆脆, 食落有啲似菠蘿包面上面既脆脆呢, 連平時唔多鐘意食蛋糕及甜食既謝菲都好捧場呢, heehee, 焗起既時候真係成間屋都係牛油既香味, 好正架!!!

拍拖movie night

有咗陶寶B之後, 莎拉同謝菲而家都會特別珍惜兩人拍拖既日子, 雖然我倆已經計劃過傾過, 就算第時陶寶B出世後, 都要每個月搵時間出去拍拖二人世界一吓.因為兩夫妻有咗小朋友就真係好多時都會忽略咗兩夫妻既感情呢! 雖然自己就識話就係咁話, 但都好驚到時未必可以做到呢.

2012/3/31 星期六過咗一個開心既一日, 其實都無咩特別, 只係好relax好充實呢. 早上起身就係屋企hea吓上吓網, 之後就準備咗謝菲好鐘意食既"冬陰味雞絲扎肉金邊粉"等佢放工返嚟食lunch.

人都癲既廣華產前講座Booking

今朝起身返工時差啲唔記得今日要online book廣華醫院既產前講座, 一返到公司, 就貼住張memo提自己啦. 當一聽到電台9:00報時, 莎拉就立即log-in啦, 用咗3.5分鐘去book咗5個course, 莎拉都無理到個course既內容係咩啦, 有得報就報啦. 短短4分鐘, 就見到個啲course由每班quota約100人變到剩底約20人, 而到咗9:05就已經所有course全部爆滿啦(5分鐘咋), 真係人都癲呀!!!!!