陶寶B的沖涼浴盆

呢個沖涼浴盆係大約一個月前, 媽咪睇電視見到介紹, 就話我知一定要去BB展買啦, 因為一來個浴盆又可以摺得埋, 二來個浴盆既去水水位有溫度感應, 當水溫高於38C, 就會變色, 可以防止過熱呀.

陶寶B聽音樂

陶寶B都已經差不多WK19啦, 所以呢個時候就可以開始胎教呢. 雖然莎拉對好多BB有關既資料都唔多熟悉, 但係懷孕期間聽音樂呢一點, 不論對媽媽及BB都有好處呢.
所以莎拉就去咗HMV買咗隻 "Mozart Effect I, For Age 0-3 baby", 講真莎拉平時都係聽開pop song呢, 真係好日都唔會聽classical music架, 不過間唔時聽吓都唔錯呢.

大熱甜品店 - Black n White

近排openrice既大熱甜品店就係Black n White, 莎拉住係大角咀無理由唔會一會佢架. 之前已經聽細妹講, 佢去咗三次, 次次都好多人, 仲要某啲dessert sold out, 真係好誇張呀.

情人節當晚就諗住買take-out同謝菲及媽咪一齊share, 去到6:30pm, 堂食都已經有一半座滿啦, 真係估佢唔到. 因為係take out既關係, 所以款式同堂食會唔同, 同埋選擇唔多, 只係得5款揀咋.

最後莎拉就買咗3款番屋企: 迷你意大利芝士($48); Raspberry star night($40); Mango mousse($40). 價錢同tony wong差唔多, 但係個賣相真係好得!

大肚Look-4個月

一直都係度諗, 究竟好唔好去studio影番輯懷孕相呢, um,,,,就算我想影, 另一個partner都未必肯陪我玩呢, 因為我諗佢未必會buy啲pose呀.

所以係唔知會唔會影既情況下, 就不如等謝菲幫莎拉每個月影一啲相, 話唔定到最後可以combine埋一齊, 整到張正嘢呢.

甜蜜預祝情人節-洲際High tea

因為唔想情人節出去同人迫, 加上莎拉而家晚上個餐都唔係特別開胃, 所以謝菲就話不如星期六同莎拉去High tea當慶祝情人節呢. Heehee, 呢個提意都好喎, 等莎拉可以做一個下午既"闊太"呀!!!!

難得謝菲陪我high-tea, 要揀一間high tea set有好味既咸點先得呀, 因為謝菲係一個"咸人", 甜嘢唔多啱佢呢.

見之前有好多Blogger對Intercontinental hotel (洲際酒店) 既high tea有好多good comment咁就決定去洲際high tea啦.

High tea既時間由2:30pm開始, 我地去到既時候都已經係2:45pm, 所以啲窗邊位都已經full 晒, 好彩仲有一張好近窗邊位置既2人檯呢.

High tea 既menu其實有2款, 一個中式, 一個西式, 我地就揀咗個西式, 如果4個人嚟high tea, 可以order一中一西都幾好架. 酒店lobby既view真係唔錯無敵大海景, 最正係仲有live band music, 好襯個氣氛呢, 環境真係好舒服.

話明high tea, 當然要order番個earl grey tea啦, 謝菲就要咗個cappuccino. 慢慢嘆番啖真係very good呀!

與陶寶B一起的日子- W14-W17

Week 14
都成wk14啦, 但係個肚都唔係好大, 只係覺得個肚實咗好多就真呢,,,

Week 15
農曆新年既呢個星期上咗大陸幾日, 呢個星期食嘢又好似好啲啦, 個種作嘔作悶既感覺好似有所改善, 可能因為食嘢既氣氛唔同啦, 不過我個手袋都係常備一個膠袋, 以備無患呀!!! 不過呢頭以為自己好叻女, 成個星期無嘔過, 呢頭搭巴士返嚟香港時, 就係車度勁嘔返成個晚餐, 好彩有個膠袋咋, 又好彩已經番到嚟香港呢, 再好彩就係嘔咗都無人知, 如果唔係真係勁樣衰呀!!!!
不過呢個星期真係嚇C謝菲, 大家諗住放假就去中環食lunch, 可能我一早起身食唔夠嘢就走去食醫生開既suppliment, 所以係地鐵車箱內就差啲暈倒, 諗住座兩個站就無事啦, 點知係中環站上大堂時, 又再暈眩, 好彩我唔係一個人係街咋, 所以謝菲就拿拿聲走去買cookies俾我食, 食完就當然無事啦, 但係莎拉既下埸就係當然俾謝菲勁話啦!!!! Sorry呀, 老公, 唔會有下次架啦!!!!

Week 16
C火啦, C火啦, 成個肚皮唔知點解無啦啦起晒啲小紅點呀?!!!!唔通係我用既Strech mark cream敏感?!!! 但係無理由架, 都用咗成個星期啦, 而家先嚟敏感?!!!! 停用咗幾日都未有好轉, 上網search原來好多mom-to-be都有呢個問題, 但係好多都係懷孕後期先出呢啲紅點, 但係我而家wk16就起, 點算好呀?!!!! 好痕呀!!! 半夜有時仲痕醒呀!!!! 下個星期去陳醫生做產檢, 唯有忍多一陣, 睇醫生點講啦,,,,陶竇B你要乖呀, 千其唔好有事!!!

Week 17
又到產檢時間啦, 一上磅, 撞鬼鑼, 體重一磅都無重過(莎拉好失敗呀!!!!), 不過好彩, 陳醫生用超聲波檢查"陶寶B"時, 佢就健健康康, 又大隻咗啦, 咁都無咁擔心. 而我肚上既紅點, 陳醫生就話係濕疹, 佢叫我唔好再揸啲防肚紋膏及沖涼唔好用啲太熱既水, 另外就開咗啲口服藥及藥膏俾我, 雖然醫生話對BB沒有影響, 但係我都係痕到頂唔順先食藥呢. 自從我體重無重過呢個消息一出, 謝菲同莎拉既媽咪就開始迫我食多啲, 媽咪仲特登整番我以前好鐘意食既煎薯仔餅俾莎拉夾麵包當早餐呢, 有時覺得做孕婦時, 真係有種幸福既感覺呢.

新年行大運@下白泥

為咗迎接"陶寶B"既來臨, 謝菲就已經換過另一部單反相機同紅圈鏡, 因為我地要為"陶寶B" capture每一個precious moment. 雖然"陶寶B"未出世, 但謝菲都要用部新相機影吓相先得.
農曆新年假期, 人人都話香港最靚既日落係下白泥, 所以莎拉同謝菲就去咗下白泥行番個新年大運. 係元朗搭小巴入下白泥大約要20分鐘, 我地去到既時候剛剛係開始日落呢, 但係好可惜, 個天好多雲呀, 當個咸蛋黃落啲都影唔到啦, 只係影到少少日落呢...

與陶寶B一起的日子- W10-W13

Week 10呢個星期唔舒服既感覺越嚟越犀利, 已經記唔起作嘔, 想嘔同真係嘔咗既次數, 每日下午4pm至晚上11pm就係我作嘔作悶發作既時刻(好似同好多mom-to-be相反呀, 好多都係早上先作嘔呀),  每日既晚餐都唔係好想食, 就算食都係份量唔多, 仲要淨係想食菜, 成餐晚飯可以一啲肉都唔想食,,,,唉,,,,,究竟呢種作嘔作悶, 食慾不振既日子幾時先會過去呀!!!!
謝菲見我呢一排都無咩胃口, 佢就係放假既日子煲咗個超甜紅青蘿蔔豬骨湯俾我(真係估佢唔到會煲湯俾我呢), 我一放工返到屋企就聞到啦, 真係好好飲呢, 好鬼C甜, 真係一煲好窩心既湯, 莎拉仲飲咗2大碗呢!!!!