2011/10/28

向九寨溝出發


莎拉又飛啦, 今次去既目的地係九寨溝呢. 不過今次就唔係同謝菲去啦, 而係同媽咪及細妹去呢. 雖然我啲annual leave已經所剩無幾啦(仲要用加啲no pay leave), 但係媽咪一直好想去九寨溝, 而且其實都好耐無同家人去旅行啦, 所以點都要呢人個trip成行呀!

因為同屋企人去, 加上九寨溝唔好熟悉, 所以最後都係揀咗跟團呀, 我地呢次就係跟康泰既"九寨溝、黃龍、成都、峨眉金頂、樂山、熊貓繁殖基地三期展區6天團"  唔講開都唔知, 原來莎拉今次係第一次跟旅行團呢, 哈哈哈, 睇怕呢幾日都係會每朝好早就morning call啦!!!

今次謝菲未有同行, 所以影相既責任就係莎拉身上啦!!! 過幾日番到嚟再同大家share遊記啦!!!

2011/10/26

Cheers~德國啤酒節

剛既星期六, 莎拉與謝菲約咗幾個好朋友去咗Marco Polo Hong Kong Hotel搞既德國啤酒節, 呢個德國啤酒節今年已經係第20週年, 每年10月尾開始, 為3星期架. 以前莎拉係加拿大都曾經去過呢啲啤酒節, 但係香港今次都係第一次呢.

2011/10/24

幸福終老


今日係Yahoo見到呢一篇新聞, 係度同大家share吓!



明報專訊:「娶到她,算我夠福氣。」陳和源對着相依相伴62載的太太藍麗英道出心聲。除了這對鑽石婚級的80歲長者,昨日還有25對長者「新人」一起穿著筆直西裝、披上白色婚紗,再許下愛的宣言,並分享「久婚不離」的秘訣,原來「口味相投」及忍耐尤為重要。


妻:嫌我長氣便少說幾句


陳氏夫婦於1949年結婚,其實姻緣早於陳伯在「未來岳父」公司打工時定下。陳伯表示,當時做足「三書六禮」,是「父母之命、媒妁之言」的婚姻,「由全無感情走到現在很不容易」,他總結過半世紀的婚姻需「口味相投」。二人平時一起閱報、晨運、逛博物館,而且同樣嗜甜,每人一日3包糖已是習慣,其實,不用吃糖,他們已「甜到漏」。現時二人「妻洗菜,夫煮飯」,又互相提對方吃藥,甚是溫馨。雖然已是老夫老妻,他們都感激對方在自己患病時的照顧,「有一次我跌倒弄傷腿,他很照顧我,為我塗藥酒」,陳太一臉害羞,幸福滿溢,「秘訣?大家互相遷就。他嫌我長氣,我便少說幾句」。


嚴悅勤和郭少珍相互扶持29年,二人雖常常吵架,但仍然相愛。嚴太分享一字在於「忍」及雙方有同樣的信仰。


26對長者昨日在結婚進行曲的伴奏下逐一進場,每對「新人」都表現興奮。「深情牽手人生路」之「世紀婚禮」由深水埗東長者中心聯網舉辦,為長者補辦婚禮之餘,也希望年輕夫婦珍惜眼前人。




能夠一起62年加上另一半的一句"娶到她,算我夠福氣", 真係此生無憾呢. 有時係街上見到一啲老公公與老婆婆仲手拖手, 真係感覺到無比既sweet及羨慕呢. 能夠與另一半一起渡過"鑽婚"記念日, 真係要有無比既幸運及褔氣先可以走到呢一步. 就算兩人一直相親相愛, 都要大家同樣有健康既身體, 長命百歲先可以做到
!!!

回想起自己出嫁當日敬茶時, 父母給予我與老公的一席話" 相敬如賓, 互相扶持, 相親相愛", 能夠時時刻刻記住及做到真係一啲都唔容易. 幸福及和睦既婚姻係需要倆人同樣努力維持, 但願天下所有夫婦都可以做得到, 而去到年老既時候都仲會手拖手, 就有如上述既老公公及老婆婆係我們未來既寫照.


2011/10/22

烏卒卒面膜

近日係萬寧見到有隻韓國mask-Dewy Tree做緊出位價, 賣$41有2包mask, 普通mask當然吸引唔到莎拉, 特別之處呢隻係一款烏卒卒既面膜呀!!!!
平時用開既mask係白雪雪既, 而呢款烏卒卒既面膜聲稱含有濟洲既火山泥礦物及木炭可以吸去多餘油脂及除死皮, 而與此同時, 可以淨化肌膚深層毒素, 提升肌膚透亮度呢!!! 講到咁勁, 拿拿聲試一試先!

2011/10/20

美女甜品-Petite Amanda

美女廚神Amanda S.既Pastry shop-Petite Amanda, 自開張以嚟, 一直都想試一試呢位中法靚女既手勢, 究竟係咪真係人又靚整cake又正呢. 佢鋪頭位於IFC, 所以對於莎拉呢個九龍人, 真係有啲唔就腳呢, 好彩細妹咁啱今日行開過IFC, 終於可以會一會Petite Amanda啦.

今次細妹買咗3款(本來想買多幾款試一試, 但放工時候去到就只係賣剩幾款呢, 真係好生意呀), 每件cake既價錢大約要$3X-4X, 係貴過Tony Wong架, 不過係IFC開得鋪, 真係自然租金都唔少嘢, 蛋糕既價錢自然都要貴啲啦. 3件cake既賣相好靚, 未食就已經覺得唔錯啦!

2011/10/19

當貓貓遇上Häagen-Dazs

為食既肥糖糖又一再出動啦, 佢今次既目標就係Häagen-Dazs雪糕啦, 仲要係新出個款流心雪糕呀, 佢真係唔係好嘢都唔食呀!
睇吓佢出手對付犣物就知佢係一個Nature born ice cream killer啦,,wakaka

(哀貓玩完雪糕搞到我要同你洗手呀)






2011/10/15

RSS訂閱功能

自從新板Yahoo取消咗訂閱功能, 對我地一眾有追睇其他blog習慣\既人嚟講, 真係做成超級唔方便呀. 雖然而家有"最近更新"既功能, 但係佢只可以顯示最近既10個update (仲要唔係好準確既update), 所以基本上呢個所謂既"最近更新"係無料到呀!

聽聞有其他blogger話可以用"RSS訂閱功能"嚟代替, 莎拉就試一試啦. 試用咗幾日之後, 呢個RSS訂閱好似可以俾我check到邊個blogger有新既update, 但係就唔會好似以前咁send email俾你通知你有新update.

而RSS訂閱功能最大問題係, 佢係跟電腦既作訂閱 (有啲似Bookmark既形式), 所以佢係跟據你最後一次使用電腦瀏覽既記錄嚟作標準, 下一次開機使用電腦時, internet explorer會自動更新Check吓自你上一次瀏覽後, 已訂閱既blog有無update, 所以如果你係用另外一部電腦就睇唔到你既訂閱啦. 另一個問題係, 好似舊板既internet explore係無RRS訂閱Function呢. 不過點都好, 起碼好過無啦, 用住嚟頂咗先都好, 希望Yahoo可以俾番個舊有既訂閱功能我地啦.


RSS訂閱Step by Step


1) 在想訂閱既blogger main page, click入"訂閱RSS摘要".




2) 之後就會去到另外一板, click"訂閱此摘要"



3) 之後再click"訂閱" (在此可以rename訂閱既blog既display名字及存放位置)


如何檢查RSS訂閱有否update

1) 開啟"我的最愛" 內之另一folder "摘要".


2) 如任何blog有update, 訂閱之名稱會變成粗黑色字體(Bold), 及會顯示出update時間及update次數.

2011/10/13

成為陶太的第300天

今日係莎拉成為陶太既第300天(Heehee, 無錯, 莎拉真係好無聊, 居然走去數一數幾時係第300天), 哈哈哈, 其實都無話慶唔慶祝, 只係俾個excuse去整啲好嘢食叫做慶祝吓呢....
莎拉同謝菲放工之後, 就快快腳走人, 一齊去supermarket買餸啦, 真係入到去咩都想整嚟食呢, 最後就整咗個"海陸空"大餐啦!
海既代表: 烚龍蝦
陸既代表: 煎牛排
空既代表: 焗香草雞
嘩, 真係聖誕大餐都無咁豐富呀, 食到好飽呀!!!

300 days 既感想===> 每天 x (愛他一些 + 珍惜一起能平凡渡過) = 每天都覺幸福一些

2011/10/12

荷香籠仔蒸蟹飯(附有食譜)

十月份真係一個有好多好嘢食既月份, 除咗大閘蟹開季之外, 就算係普通既蟹都又平又靚呀! 行街市見到啲奄仔蟹大大隻, 真係又忍唔住買佢地返屋企整個靚餸.

用咩嘢方法整可以將隻蟹既糕保存得完汁完味呢? 一定係蒸啦!!!但係就咁清蒸又好似DRY咗啲喎, heehee, 屋企有個蒸籠不如試吓同飯一齊蒸啦, 咁啲飯就可以吸收晒啲蟹既精華, 一滴不漏呀!

2011/10/05

兒時味道-雪糕蛋糕

唔知大家仲記唔記得細個既時候食過一隻叫"雀目牌"既雪糕蛋糕呢?!!! (Heehee, 太young既blog友仔好可能會唔知呢!)
前晚同謝菲好無聊係youtube搵番啲80年代既廣告嚟睇, 一睇到呢個雀目牌既雪糕蛋糕, 我地兩個就好開心, 因為呢隻雪糕蛋糕真係我童年既回憶呀, 以前其實都唔知佢原來係Birds eye既出品, 正式既名叫arctic roll, 細個時淨係識叫佢做雪糕蛋糕.

兩丁友又好無聊再上網search吓""Birds eye"呢個brand label 仲係唔係度, 睇吓仲有無呢隻product. 一search先知原來呢隻嘢係英國既牌子, 最正係佢地最近先再生產番呢隻arctic roll呢! 咁我就發噏風話想食番, 所以就再search吓係香港有無得賣, yeah yeah yeah,,,,原本係Market place既超級市場有得賣呀!!!

莎拉一放工就怨不及待走去Market place買啦,,,,終於俾我買到啦, 好嘢!!!

雖然個包裝已經唔同咗, 但係佢既味道同細個食既係一樣呢,,,,,唯一唔同既係, 新板既蛋糕係比以前薄咗, 但係依然好食, Yummy Yummy!!!
大家仲對呢個雪糕蛋糕既廣告有無印象呢?!!!


2011/10/03

新板Yahoo Blog既好與壞

新板Yahoo Blog都試用咗有2個星期, 當中有好有壞, 唔知大家有無呢個同感呢?

好處:


-分類可以自己排位, 以前係跟據開設既先後次序嚟排位, 沒有得自行調排位置, 所以望落舊板既分類有啲混亂. 但係而家新板Yahoo Blog可以自行鐘意點排就點排, 真係方便好多呢, 呢個真係抵讚呀!


-Profile picture下可加入類似facebook既"what's on your mind", 可以更加方便share自己最update既消息.


-最近訪客係即時update, 唔似舊板咁只可以顯示前一天既訪客.


-多咗一個叫"我的封面"既設定, 呢個setting可以放一啲自己選擇既精選article, 方便分享.


-寫post內加回"插入影片"功能, 呢個functio其實以前舊板都有, 但後來唔知點解yahoo取消咗, 所以之前只可以用youtube作為post video既途徑.


壞處:


-最大既問題係沒有訂閱功能, 所以以前追開既Blog都唔會再好似以前咁會有email通知你新既訂閱. 雖然而家有顯示blog友既最近更新, 但係我覺得係唔準架, 自己追開既某幾位Blogger, 明明有update, 而我自問都係一位上綱上得好密既人, 應該無理由會miss咗睇唔到佢地個最新update架. 另外就係, 個最新update, 真係好有可能過咗就睇唔到, 所以邊位blogger有update都有可能會miss咗.


-部份Blog友雖然已經關注, 但係關注blog友list內未能顯示, 特別係用中文名做Display既blog友, 完全搵唔番, 要係我的設定內既關注blog友"管理"先見到.


-留言時無咗表情公仔, 失咗真呀.


Overall, 新板既yahoo blog其實好壞參半, 最唔滿意係無咗訂閱功能, 因為真係好唔方便, 極之容易會miss咗啲blog友仔既post呢. 希望yahoo個邊可以改善吓啦.


2011/10/02

與姊妹們又影又玩的一輯相

寫寫吓Blog又要寫番結婚前既嘢啦(真係時空交錯), 其實呢輯相一早就想share出嚟, 但係一直都懶未寫, 終於係呢個十.一假期寫啦!

呢輯相係我結婚前幾日影架, 呢幾個好朋友係移民咗去加拿大既時候識, 大家不知不覺都已經識咗18年一齊過咗唔少開心及唔開心既日子.  自從highshcool之後, 大家都分散咗去唔同既地方讀U, 而畢業之後, 就大家又搬咗去唔同既地方住啦, 所以呢幾年真係要有喜慶事先可以嚟過Reunion.

而我既大日子就做就我地呢一次既reunion, 其中兩位姊妹就分別係美國及加拿大番嚟, 雖然仲有一位未能夠Attend, 但係真係好多謝大家既心意呢.

而既然咁難得可以一聚,  不如大家影番輯相作留念啦玩吓, 而齋影我地4個大人好似dry咗啲又唔夠記念性呢, 不如帶埋其中兩位好姊妹既BB一齊影啦, 好玩啲呢.

輯相係我之前影Pre-wedding既Luva Production度影,影既package係用類似family photo既型式.

真係thank you晒阿石同Andrew, 因為要幫我地4個大人化到靚一靚都用咗阿石唔少時間, 而Andrew就好俾耐性幫BB影相(你知影BB係幾咁難架啦), 再加埋我地呢班搞事分子, 真係玩多過影呢!!