起初以為好勁, 以為一張16"x20"既welcome board唔難, 起稿後咪print囉, 點知又要搵啲靚graphic圖案, 又要出去搵公司印, 都係算吧啦!!!!!所以最後我都係搵番*可可*夢工場幫我design同印, 乾手淨腳!!!
咁咩叫做Semi-DIY呢???事原就係之前去個一次婚展會買餅卡, 因為消費滿一個價錢就可以抽獎, 點知我就抽到個16"X20"既油畫框, 真係把鬼!!!!!之後因為要整Welcome board, 於是靈機一觸就不如用番個無謂油畫框用啦!!
2010/11/30
2010/11/29
驚喜既barchelorettee party
今晚星期日, 謝菲神神秘秘咁話去荃灣, 去到荃灣後居然見到姊姊團既成員, 我都打咗個突, 之後謝菲就將我交俾姊姊團既兩位成員!!!! 很定有古怪!!!!! 一路行一路行, 心諗可能係姊妹團俾我既surprise dinner, 一路行去到荃灣城市廣場, um,,,,我諗唔通去唱K?!!!!
點知佢帶我去到商業大廈, um,,,唔對路啦, 我開始估唔到啦!!!! 一開升降機門, 見到其中一個招牌係Dance studio, 我諗可能個surprise係同呢樣嘢有關!
2010/11/28
恨咗好耐既結婚蛋糕
由一開始籌備婚禮, 就一直都好想切一個真既結婚蛋糕, 唔係酒店或酒樓送個啲好似生日蛋糕fresh cream cake個種, 咁於是就好早已經開始做research格價. 而本身其實我係想係帝京酒店證婚時切結婚蛋糕, 係戶外個feel正啲呀嗎, 但係向酒店細問之下, 如果帶cake入去serve, 酒店係每磅同我計service charge, 另外如果我serve我蛋糕, 無理由唔serve嘢飲架嗎, 計下計下都唔平, 加上個幾間大熱wedding cake store(Cake2), 如果要個2層結婚蛋糕, 起碼都要$2XXX!!! 加埋酒店Service charge及beverage, 真係out budget啦, 所以中途放棄咗啦!!
當婚禮既日子越嚟越近, 我想擁有一個wedding cake既諗頭又再浮現. 好, 既然證婚帝京酒店收我service charge, 咁我不如試吓夜晚擺酒既海景嘉褔酒店啦, 因為好初期問過可唔可以帶outside food, 當時負責我地banquet既sales係話not allow, 但因為而家follow 我地既sales轉咗人, 所以我就博一博, 可能呢個sales可以waive呢?!!!
哈哈哈, 一問就bingo, 佢可以waive我地帶入去outside food, YES!!!! 所以我又可以有機會擁有我既wedding cake!!!!
因為之前search過wedding cake既價錢起碼要$2XXX, 於是我就轉移向cupcake tower埋手, heehee, 最後俾我搵到過freelance既女仔整4層既cupcake tower(包括45個Cupcake, 一個6"蛋糕), 價錢平過之前既wedding cake好多, 加上到時切完個cupcake tower, 咁就可以係6:30pm時一個個咁serve俾啲guest, 萬一到時食唔晒, 因為佢offer埋啲包裝俾我, 咁到時可能pack番走!!
到時個cupcake tower就會係類似咁, 當然個cupcake面到時會唔同啦!!!!! 而經我試食後, cupcake唔係太甜, 味道ok, 我就order咗chocolate marble味, 正呀!!!
當婚禮既日子越嚟越近, 我想擁有一個wedding cake既諗頭又再浮現. 好, 既然證婚帝京酒店收我service charge, 咁我不如試吓夜晚擺酒既海景嘉褔酒店啦, 因為好初期問過可唔可以帶outside food, 當時負責我地banquet既sales係話not allow, 但因為而家follow 我地既sales轉咗人, 所以我就博一博, 可能呢個sales可以waive呢?!!!
哈哈哈, 一問就bingo, 佢可以waive我地帶入去outside food, YES!!!! 所以我又可以有機會擁有我既wedding cake!!!!
因為之前search過wedding cake既價錢起碼要$2XXX, 於是我就轉移向cupcake tower埋手, heehee, 最後俾我搵到過freelance既女仔整4層既cupcake tower(包括45個Cupcake, 一個6"蛋糕), 價錢平過之前既wedding cake好多, 加上到時切完個cupcake tower, 咁就可以係6:30pm時一個個咁serve俾啲guest, 萬一到時食唔晒, 因為佢offer埋啲包裝俾我, 咁到時可能pack番走!!
到時個cupcake tower就會係類似咁, 當然個cupcake面到時會唔同啦!!!!! 而經我試食後, cupcake唔係太甜, 味道ok, 我就order咗chocolate marble味, 正呀!!!
2010/11/26
神秘既閃閃賀禮
前兩日收到一份閃閃賀禮, 神秘既Miss P 因為未能參加我既婚禮, 所以就送咗份女仔都好鐘意既鑽石鍊咀, 真係估唔到會送如此厚禮!! 我真係好鐘意呀, 所以已經忍唔住當日已戴咗上身, 哈哈哈!!!
多謝Miss P!!!
多謝Miss P!!!
2010/11/25
又敗家係婚紗鞋
我諗我買婚紗鞋都算買得遲啦, 仲有唔夠一個月先走去買, 因為我好老定咁諗住去金都買現成呀嗎, 但係最後我決定只需要一對高跟鞋, 而因要差唔多全日都著住佢, 所以一定要好舒服先得. 所以就生起敗家既念頭------->訂造!!!
我知有好多JM係DYOS訂造, 靚就好靚, 但覺得好似貴咗啲, 所以就轉戰百利.
而百利訂造高跟鞋既鋪頭有好多, 比較出名既係Ming House, 我都費是就圍格價啦, 價錢都ok, 就呢間啦!!!我都係第一次訂造高跟鞋, 哈哈哈, 我真係超級大鄉埋, 原來訂造高跟鞋係會成隻腳板形晝底, 又會量度腳板板圍. 我就訂咗對3吋既高跟鞋! 應該唔會同謝菲平頭掛??!!
呢個就係我訂既款式, 到時個蝴蝶結上會再加閃石, 呢個款式係大熱, 我相信好多bride-to-be都係類似款式.
我知有好多JM係DYOS訂造, 靚就好靚, 但覺得好似貴咗啲, 所以就轉戰百利.
而百利訂造高跟鞋既鋪頭有好多, 比較出名既係Ming House, 我都費是就圍格價啦, 價錢都ok, 就呢間啦!!!我都係第一次訂造高跟鞋, 哈哈哈, 我真係超級大鄉埋, 原來訂造高跟鞋係會成隻腳板形晝底, 又會量度腳板板圍. 我就訂咗對3吋既高跟鞋! 應該唔會同謝菲平頭掛??!!
呢個就係我訂既款式, 到時個蝴蝶結上會再加閃石, 呢個款式係大熱, 我相信好多bride-to-be都係類似款式.
2010/11/23
鬼馬又獨特既結婚禮物
多謝鬼鬼馬馬既兄弟阿倫, 哈哈哈, 前兩日好神秘咁問謝菲攞我地張連環謝菲挨打相既原檔, 究竟係咩surprise呢???!!!
今日謝菲同佢食完飯後, 返到嚟就係個袋到拎咗隻DIY customize既水杯, heehee, 原來佢用咗公司部機印咗我地張連環謝菲挨打相上去!!!! 好得意呀!!!
用住呢隻杯, 可以時常提醒謝菲要聽聽話話, 如果唔係個後果就好似隻杯上既挨打圖咁!!!
2010/11/22
2010/11/21
DIY手花教室101 (用珠仔手鍊)
之前有JM問點樣可以將條珠仔手鍊黏實個手花, 其實我係主要用熱熔槍, 我試過唔用熱熔槍但hold得唔實同好唔穩固, 同埋我同咗2條珠仔手鍊, 因為個手花唔輕, 同1條就好似單薄咗啲, 2條珠仔手鍊就穩固啲, 靚啲, 同埋in case touch wood, 就算有一條斷咗都仲有另外一條頂住.
希望呢篇DIY手花教室幫到大家!!!
材料: 絲花, 珠仔, 彈性透明魚絲, 花材鐵線(#28號), 花貼, 熱熔槍
Step1) 呢個步驟同整襟花我頭3個step一樣 (可阡參考: DIY襟花教室101), 將絲花駁位接上花材鐵線, 然後用熱熔槍黏實, 之後用花貼包住接駁位.
希望呢篇DIY手花教室幫到大家!!!
材料: 絲花, 珠仔, 彈性透明魚絲, 花材鐵線(#28號), 花貼, 熱熔槍
Step1) 呢個步驟同整襟花我頭3個step一樣 (可阡參考: DIY襟花教室101), 將絲花駁位接上花材鐵線, 然後用熱熔槍黏實, 之後用花貼包住接駁位.
2010/11/20
工廠女工之請帖篇
好啦, 所有請帖內既嘢都已經準備好晒, 係時候整請帖啦!!!! 女家既請帖內有4樣嘢, 包括餅卡或雪糕禮券, 觀禮邀請卡, 酒店地址卡片及回禮利是.
起初我就咁樣將呢4樣嘢放入我請帖內, 但發現當係打開張帖時, 內面所有嘢就散修修咁倒晒出嚟, 好肉酸. 所以就決定搵條金色彈性繩綁埋一齊, 咁樣就整齊好多, 於是我就化身為工廠女工, 慢慢綁起請帖內既涵啦!! 我都從來未試過綁咁多蝴蝶結!!!
2010/11/19
成為精選blog
嘩嘩嘩!!!!前兩日收到Yahoo寄來既email通知, 我個blog已成為呢個week既情感關係專題精選Blog~~~我就好低能咁話俾謝菲知!!!!懶叻!!!懶巴閉!!!
唔知點解, 呢兩日所有垃圾留言全部auto自動delete晒,,,咁神奇既????!!!
唔知點解, 呢兩日所有垃圾留言全部auto自動delete晒,,,咁神奇既????!!!
2010/11/18
進度表-倒數1個月
之前唔覺意delete咗進度表-倒數2個月個篇blog,,,,好彩仲有倒數1個月呢一篇!!!
快啦快啦快啦!!進入最後倒數1個月, 真係心情好緊張!!! 我成日營住有啲嘢甩漏,,,,,,我諗我諗得太多啦!!!
我諗我最需要既係充足既睡眠,,,,每晚都唔夠訓,,,,,同埋都要勤力做mask先得.
快啦快啦快啦!!進入最後倒數1個月, 真係心情好緊張!!! 我成日營住有啲嘢甩漏,,,,,,我諗我諗得太多啦!!!
我諗我最需要既係充足既睡眠,,,,每晚都唔夠訓,,,,,同埋都要勤力做mask先得.
2010/11/17
觀禮邀請卡及結婚通知卡
起初見唔少JM都自己DIY張觀禮邀請卡, 我就又懶叻諗住自己DIY, 跟住先發現原來唔係咁簡單, 於是我就向謝菲求救, 點知整整吓出嚟果效果都唔係好靚, 算吧啦!!!!都係出去搵人整啦!!!!
因為我係*可可*夢工場到訂愛的宣言, 於是就順勢問一問佢幫唔幫人design invitation card, 哈哈哈, 好彩佢做咋, 佢仲可以幫我印埋, 真係方便好多!!!! 真係唔應該晒可可, 因為我係好趕既情況下要起貨, 所以真係趕頭趕命!!!
之前係一啲JM見到個invitation card既design係結婚相旁有個calendar圈住個大日子, 唔知點解, 一見到呢個款就"叮"一聲, 係呢個啦!!!於是就將呢個concept交比可可去design, 出嚟效果好靚, 背面既設計好有冬天既feel!!!
我一set用咗兩款不同既相, 正面結婚相就係比屋企人攞番大陸派俾親戚既結婚通知卡, 而只得我同謝菲既背脊就係觀禮邀請卡! 呢個星期可以開始派請帖俾朋友仔啦!!!
2010/11/15
愛的宣言(信用咭款式)
之前係Mrs chik chik 見到佢訂咗張信用咭款式既愛的宣言, 好鬼靚同好得意, 搞到我心郁郁都想訂番張, 因為咁大張咭到時影相出嚟既效果應該幾靚.
我就係*可可*夢工場訂, 佢個價錢都ok喎($168), 起貨又快, 個日番屋企拆出嚟睇, 哈哈哈, 好鬼正, 而背後既愛的宣言當然由我自己揀, 我要謝菲當日大大聲讀出嚟, 仲要佢簽名!!!!(希望佢睇唔到呢篇blog啦!!!)
有興趣既JM可以去*可可*夢工場睇睇!!!
我就係*可可*夢工場訂, 佢個價錢都ok喎($168), 起貨又快, 個日番屋企拆出嚟睇, 哈哈哈, 好鬼正, 而背後既愛的宣言當然由我自己揀, 我要謝菲當日大大聲讀出嚟, 仲要佢簽名!!!!(希望佢睇唔到呢篇blog啦!!!)
有興趣既JM可以去*可可*夢工場睇睇!!!
2010/11/14
2010/11/10
靚靚結婚證書套
結婚證書套呢樣嘢, 起初我不自量力咁諗住自己DIY, 但後來參考個唔少JM既製造過程, 發現呢個items唔係咁容易整, 加上我手頭上仲有少量DIY items未攪掂, 既然係咁就決定出去買!!!
經過一輪searhing後, 手做既結婚證書套大熱"盟"今年都唔會接order啦!!! 點算好呀!!!!!!
係我徬徨之時, 比我搵到另一個整handmade結婚證書套既JM. Joyce Pang. 好多時啲結婚證書套都係白色, 紫色既就少見啲, 所以第一眼我就選咗呢個紫色lace款式!!由Order至交收約2星期, 好快手, 而手工都好靚, 自問自己真係無可能整到架啦!!! 所以決定買係無錯!!!
2010/11/09
簡簡單單過大禮
簡單而隆重既過大禮儀式已經係風和日麗既星期日進行咗啦!!!! 謝菲係食咗lunch之後就出發去Taste買生果, 嘩!!!咁難得, 所以我要求佢要買日本生果(heehee, 因為最後都係我同屋企人食)!!!
2010/11/08
珠光寶氣-Kellary Bridal Jewellery
之前見到有jm係一間叫Kellary Bridal Jewellery度租首飾, 嘩好閃好靚, 啲質素可能比美Arte或者Carat. 而我既晚裝係無包到首飾, 本來之前諗住買啲朱義盛, 但係平既貨色唔係好靚, 又見到有jm話永吉街都有啲高質素既朱義盛賣, 但係我too lazy唔想慢慢行, 所以既然有得租高質素既閃閃首飾就租啦!!!
因為我既晚裝係銀色及金色, 兩個color tone非常接近, 所以可以租一條share都可以, 上到去其實都好快手就揀到, 真係好bling bling呀!!!!! 真係珠光寶氣!!!
最後我租一set頸鍊耳環, 一條手鍊for全日用及一隻介指for媽咪.
2010/11/07
Luva Production pre-wedding photo-studio篇
其實當初揾Luva Production影相都係俾佢地既studio pre-wedding相吸引, 簡簡單單係個沒有任何decoration既backdrop前面, 完全只有我地扮鬼扮馬!!!但係我地都沒有準備太多道具, 所以影出嚟都唔係太過攪鬼!!!本來諗住帶埋屋企隻貓貓去影studio, 但因為下午要出去影外景, 所以最後沒有貓貓啦!!!
2010/11/05
2010/11/04
最後一個作為Ms既生日
今日為小妹最後一個單身既生日, 心情有啲上上落落, 可能越近婚期, 心情就越緊張, 一方面又想快啲到個日, 但另一方面又唔係好想咁快到個日, 可能又唔捨得嫁,,,,都話女仔係十五十六架啦!!!
今日放工後就同謝菲去食飯慶祝,,,,我揀咗去食Buffet, 今次係試cafe on M, 咪就係我地將會擺酒既Intercontinental Grand Stanford Hotel!!!
Cafe on M 係剛剛新裝修幾個月, so far comment 都幾好, 主打係即開osyter bar,,,,嘩嘩嘩,,,,無錯, 係即開,,,,謝菲's favorite呀!!
2010/11/02
Luva Production pre-wedding photo-外景篇
第二輯pre-wedding 就係搵Luva Production, 個日朝早先係studio影咗2hrs, 之後就出發去外景!!!
第一站係大潭水壩, 今次係我地第一次去呢度, 之前連大潭水壩係邊都唔知! 不過去到水壩後, 原來呢到真係幾靚, 而個日天氣都幾熱, 又有蚊咬, 影咗一陣就next station啦!
2010/11/01
過大禮禮品ready!!!
過大禮既日子已決定係11月7日(星期日) 進行, 其實日子都係我自己決定, 主要係方便自己唔使番工, 而日曆又無寫"大事不宜", 就係呢兩大原則下, 自己搞掂, 好彩雙方屋企對呢啲繁文縟節無咩要求, 如果唔係又要摘日, 又要買齊過啲過禮用品, 都幾繁!! 我地決定呢一part一齊從簡!!! 男家過大禮禮品 1) 禮金大利是: 己準備 2) "包羅萬有"大利是: 己準備 3) 龍鳳餅兩對: 餅卡代替 4) 唐餅數個(約16個): 己準備 5) 男家雙囍對聯一幅: 己準備 6) 女家雙囍對聯一幅: 己準備 7) 男家龍鳳上頭套裝: 己準備 8) 女家龍鳳上頭套裝: 己準備 9) 生果: 到時買 10) 西餅餅卡: 己準備 11) 請帖: 己準備 12) 舅仔利是, 椰子, 檳榔, 新鮮扁柏,: "包羅萬有"大利是代替 |
京果, 茶葉芝麻, 海味, 三牲
女家過大禮回禮禮品
1) 回:禮金大利是: 己準備
2) 回:包羅萬有大利是: 己準備
3) 男家雙囍對聯一幅: 己準備
4) 男家龍鳳上頭套裝: 己準備
5) 龍鳳餅一對: 己準備
6) 唐餅數個(約8個): 己準備
7) 椰子, 檳榔, 新鮮扁柏, 石榴一對, 蓮藕一對, 發財芋頭一對, : "包羅萬有"大利是代替
添丁羌一對 , 柚葉一份, 大發糕、發菜
Subscribe to:
Posts (Atom)