2010/08/30

原來結婚介指係好難揀

仲有3個多月就到大日子, 都係時間買結婚介指啦! 所以星期日就同謝菲出動去九龍灣德褔, 希望今日可以攪掂呢樣嘢.


其實係六月份既時候, 我地已經係PN到睇中咗一對介指, 但係一來當時仲有時間慢慢揀, 二來當時諗住買PT料, 所以價錢好貴, 於是乎就諗吓先. 一拖就拖到八月尾. 今日就出去其他鋪頭睇吓除咗PN仲有無選擇, 因為好多人話PN款得料唔得.


因為我手指又短又粗, 其實都幾難揀介指, 而謝菲要求男裝個隻唔要有鑽石同想粗身啲, 而我個隻就想要鑽石, 所以完來係好難買結婚介指!


A) 六褔


六褔其實啲介指價錢都幾底買, 有一排石都係$2500-$3500, 但係男裝唔要有石既款就非常普通, 唔知係咪心理作用, 帶上心有啲"un"手指, 可能係啲介指比較厚身. 揀來揀去都只係免強揀到一對, 但好像無"ding"一聲既感覺.


B) 周生生


入到去想話要啲男裝無石, 女裝有石既結婚介指, 佢地已經話無, 一係就兩隻同時有石, 一係就兩隻同時無石. 算啦, 入到去都睇吓啦!! 老實講啲款真係唔多, 同埋款式好普通, 仲好似衰過六褔, 真係揀唔落手, 算吧啦!!!


C) 周大褔


我以為周生生已經差架啦, 周大褔仲衰, 之前好多人都話周大褔及周生生啲結婚介指唔掂, 今日真係見識過, 佢有啲款仲好似我媽咪個年代啲款咁, sorry, not my cup of tea!!! 不過, 佢現在仲有keep住呢啲款, 就自然有佢既market.


D) PN


既然試咗睇咗咁多間都無心水, 註定要去番PN架啦. 點知, 佢間店所有結婚介指攞曬去灣仔既婚紗展, 如果要睇就要去灣仔或者過兩日再來, ai~~~~~本來想今日KO呢個items, 但係註定要我等多一個星期!!!


就係呢對結婚介指啦, 佢係今年既款式, 我相信唔少朋友都可能揀咗呢對!!!



 


2010/08/29

不用租的敬酒晚裝

上星期六, 因為係大陸既伯父生日, 所以就全家上咗番禺, 而是次行程除咗慶生日去, 另一重要目的就係媽咪及細妹做晚裝. 因為姨丈係大陸係做高級出口晚裝, 例如美國既David's bridal都係佢地既client, 於是姨丈就叫我地上去佢廠揀衫. 哈哈, 本來我只係陪佢地揀, 點知睇睇吓係堆貨辨到見到條David's bridal 紅色晚裝, 我當然試一試啦, 玩吓都好.


  


就係呢條紅色裙, 前面睇落無咩特別, 但係後面就係終極大露背!!!!!其實我之前已經係wedding whisper買咗個package, 當時已經揀咗條紅色晚裝作為敬酒用, 但係呢條露背裝都好靚喎, 點算好呢?!


試咗後, 經過細妹及媽咪既一至意見, 最後都要咗呢條紅色晚裝. 因為個sizefit, 所以要改一改, 同埋我覺得前面胸口位唔夠bling bling, 所以會胸口位改為加重bling bling閃石! 下次再上大陸時, 就可以攞走, heehee!!! Wedding whisperpackage唯有要謝菲係佢到揀件男裝.


而細妹除咗揀咗佢當日既衫外, 我同佢仲揀走咗幾條cocktail dress, 有咩宴會場合, 去浦就岩曬!! 是次行程收穫不少!!!


2010/08/20

十週年記念 DIY Scrapbook

係前兩年我同謝菲十週年記念時, 我就已經整咗本scrapbook, 啲材料我係返加拿大時係Wal-mart買, 因為果時都唔知係香港邊度有呢類整scrapbook材料.


粗粗地啦!!!以我呢位"art q"零分既同學, 算係咁. 因為係十週年記念, 所以我就每兩頁就為一年, 放啲個一年值得記念既相!!! 睇番十年前既相, 真係笑到咀都歪!!!!





2010/08/18

選擇中的Wedding ring dish

曾經係miss cocoa bean 既 blog 見過佢隻wedding ring dish, 就一直念念不忘, 好鐘意呀!!!! 碟上可以寫上你兩人既名及結婚日子, 獨一無二!!!!


其實大部份人都會用介指枕, 但介指枕用完一次之後就再無其他用途, 但介指碟就可以放係屋企平時除下介指時用, 都幾好呀, 一物二用.


係香港我都未見過有介指碟賣, 所以如果要買就要Online order http://www.etsy.com/, 呢個online shopping平台有好多handmade既物品, 而大部份介指碟價錢由HK$100-$350不等.


自己最後揀咗剩以下幾款, 但都未決定到order邊個,,,,好苦惱!!


a) 呢個第一眼望落去, 覺得好elegant, to have and to hold, 好有意思, 如果真係order呢一款, 到時可以customize碟上既字.



b) 而b至e都係出自同一間公司, 所以style都好相似, 呢幾堤就有啲color及圖案, 但又驚唔知會唔會覺得好細路仔.



c)



d)



e)


 


 


2010/08/16

一堆舊雜誌

唔知大家由決定結婚後, 由籌備婚禮開始, 究竟買咗幾多婚禮有關既雜誌呢?


今日係屋企搵成長片段既相時, 順手執書架時, 發現不知不覺間完來已經儲儲埋埋有好多婚禮雜誌 (呢度只係部份, 有啲係新屋無攞出嚟), 我諗攞去Recycle磅賣, 好可能夠錢食個lunch!!!



 


2010/08/14

姊妹裙篇之我愛浪漫深紫色

一真都好鐘意紫色, 所以諗起姊妹裙既顏色就聯想起紫色! 加上因為結婚既日子係12月, Christmas前一個禮拜, 我覺得紫色應該會幾match.


之前我有諗過係淘寶訂姊妹裙, 一來款式多價錢又平, 但係因為我姊妹團內有2個唔係香港, 佢地會係12月才回來香港, 加上其中一個剛剛先生完BB, 所以size好難"因", 萬一到時才試身發現唔fit, 到時才係淘寶再order過, 我恐防到時會太急, 所以最後我係番我租婚紗既Wendy bridal salon到做姊妹裙.


而 Wendy bridal salon既姊妹裙選擇唔係太多, 所以基本上我等係香港個3位姊妹自己試晒所有有紫色既款, 而我都諗過統一一個款or等姊妹們選擇自己喜愛既款呢?! 最後我都係等姊妹們選擇自己喜愛既款式, 因為其實我自己都做過幾次伴娘, 我好明白做姊妹既心態, 講真, 你選定一個款式, 未必個個著得好睇, 既然我想姊妹們著得舒服開心, 我就等她們自己選岩佢地既款啦!!!


而最後我就決定姊妹們著短裙, 伴娘著長裙!!紫色都分好多個tone, 咁我最後揀咗深紫色, 因為我相信影相出嚟效果會幾特出!!


就係以下呢4個款啦, 而全部會做晒深紫色, 至於伴娘個條就會留番伴娘自己係美國買, worst case真係搵唔岩先至係香港後補.


 

 
         


 


2010/08/12

收到第一封賀卡

昨晚打開信箱, 見到一封由美國寄嚟既信, 原來係大學時期既roomate好朋友寄嚟.


估唔到會咁早收到第一封賀卡(賀禮), 原來一封賀卡上寫有朋友對我倆既祝福賀語, 個仲感覺係同e-mail賀卡不同, 賀卡上朋友既筆跡, 每次睇既時間都會覺得好親切!


唔知大家係結婚後會否留起啲賀卡架呢?



Humane & Robert, 多謝你地, 我都祝你地同 12月出世既BB健康快樂!!!! XOXO


2010/08/10

回禮M&M終於搵到佢partner

好嘢, 搞盡腦汁, 終於搵到用咩嘢嚟載M&M啦!!!!


就係用玻璃樽仔, 佢個容量又細, 又係透明, 我諗到時一樽樽加埋個細細thanks you card應該會幾靚!


呢啲玻璃樽仔暫時我係旺角搵到, 價錢係$3.6, 但我之前係淘寶見過, 應該會平啲掛, 所以要開始係淘寶搵一搵啦!!!


唔知大家覺得用玻璃樽仔載M&M得唔得呢?!



2010/08/09

淘寶尋找喜糖盒

因為回禮小禮物既大熱M&M好有可能會勝出, 所以同一時間都開始諗吓搵啲咩嘢載M&M, 於是就開始我既第一次淘寶.


終於我就係淘寶訂咗一共7款喜糖盒既Sample反嚟, 我將淘寶貨物既相與實物放埋一起, 做個對比!


A)


 


B)




C)



D)


 


E)


 


而所有貨既真身同相都幾似, 本來我訂貨時對A同C好大期望, 但係之後一放啲M&M落去, 差唔多要放成包40g既M&M(接近40粒), A同C容量太大, 唔掂!!!!


如果要符合我既小容量要求, 就只B合格, 因為佢只係需要放大約20粒M&M就搞掂!!! 不過如果真係耍用B呢個喜糖盒, 就需要搵埋啲透明玻璃袋同嚟載住啲M&M之後才放入盒內!!!Ai~~~~~~有啲麻煩, 等我諗吓仲有無其他方法先,,,,