平時唔買波既謝菲, 因為世界杯既關係, 佢都有時買留一兩埸, 哈哈, 買咗若干埸後, 終於有回報啦, sorry唔係贏到可以食鮑參翅肚, 最多買到啲海鮮weekend嘆吓
!!!
同謝菲去到街市, 決定要挑戰啲蟹, 2個人買咗2隻肉蟹整薑蔥炒肉蟹(哈哈, 皮膚唔係好, 每次食完蝦蟹都有可能會皮膚敏感既謝菲都話無有怕, 食咗先算
), 好彩街市當主好人, 順便問埋我地使唔使劏埋隻蟹, 更係要啦, 求之不得呀!!
除咗蟹之外, 仲有花甲, 但其實個人覺得蜆係好食啲, 但就驚有沙, 所以最後都無買到蜆! 今次係豉汁炒花甲, 味道ok, 但顏色唔夠, 下次再煮過!
最後就要利用我個Le Crueset煲, 貪佢夠耐熱, 等我地食完啲蟹時, 個煲啲餸都唔會凍. 今次整個自製肉圓雜菜煲, 乜嘢係自製呢
, 咪就係自己係啲肉碎內加咗啲木耳及冬菇粒, 然後整到一個個球形後去煎, 變成肉圓, 之後再加埋啲雜菜粉絲一齊炆.
星期六係全日無停個雨, 同埋係有遮都濕身既情況下, 去咗酒店俾埋最後一次deposit 同埋耍攞埋酒店包既invitation card.
喱間就係海景嘉福酒店既外貌同lobby, 每次人哋問我係邊間擺酒, 如果我答酒店既英文名InterContinental Grand Stanford Hote時, 多數都係一個反應:
朋友仔: Oh,,,,我知啦, 新世界中心個邊個間呀嗎!
我: 
我都想, 但我未有咁富貴! 兩間係under同一集團咋!
如果我答酒店既中文名海景嘉福酒店時, 大部份既反應係:
朋友仔: ("r"頭中), 海景嘉福酒店即係邊"樹"呢?!
我: (無奈地
) 係尖東, 日航酒店隔離呀! (如果再唔知, 我就會再答, 係帝苑酒店斜對面)
我真係驚到正日時, 有賓客會去咗新世界中心個邊個間!
除此之外, 另一目的係要look 一 look我特登upgrade 兩晚既seaview suite究竟間房有幾大同間格. 睇完後, 發現間房既客廳同埋睡房的比例係接近1:1. 換然之即係話間睡房相對寬落, 啲姊妹係房扮靚同換衫都無問題. 而客廳個邊就可能人多時會擠擁些少. 唯有到時人多時企啲人入睡房個邊. 而我最鍾意係suite有兩個洗手間, 咁樣對所有人都方便啲! 而個view就當然無問題, 成個維港望晒, 我諗night view更加正, 希望到時book間高層啲, 咁就really good!
除此之外, 我仲特登望多次個banquet room, 好彩去望多次, 原來個stage可以加大4呎, 同埋原加來個screen係個backdrop前面, 我同謝菲仲一直以為個screen係個stage兩旁. 因為個screen係咁, 所以backdrop既decoration就不能夠太過立體, 要就住嚟.
原來仲有唔夠6個月就係大日子, 所以順手攞埋啲請帖, 最哀謝菲上午要返工, 係落大雨既天氣下, 200張帖+信封+酒店地址咭變得更加笨重. 張帖既設計普普通通未算好"娘", 不過不失, 我同謝菲都覺得都可以用, 無謂浪費啦, 用得就用, 橫掂我地都會再印一張invitation post card for下午觀禮, 到時先搞靚佢!
加連威老道既the roll, 之前一直係openrice見到呢間鋪頭既comment, 好吸引, 見到真係好想食. 星期二因為要去加連威老道附近睇姊妹裙行過the roll, 當然要買幾件番屋企嘆.
$26一件, 今次買咗3款:
黑芝麻roll
Tiramisu roll
Blueberry lemon chesse roll
最好食係黑芝麻roll, 食完好滿足, 一件絕對唔夠, 下次一定要encore. 而另外2款都ok, 但唔夠黑芝麻咁出色!
星期日係父親節, 雖然已經係前一日食咗飯慶祝, 但因為星期日, 工人姐姐放假, 所以好多時都係叫屋企人去我個到開飯.
而今期就跟報紙既食譜整墨魚滑紫菜腐皮卷, 又唔係咁難整, 只係要有心機(包->蒸->切->煎), 賣相又幾好, 但膽固醇就爆咗啲, 下次再整就改為用蝦膠或魚滑, 咁就健康啲.
同埸再焗個黑胡椒焗雞翼.
哎呀, 仲有一個失敗
咗既薑汁撞奶, 好嬲呀, 搞到變成薑味北海道牛奶!
因為5月份要影結婚相, 所以好堅持唔曬太陽住, 但其實今年天氣遲熱咗, 所以都無損失!
終於一影完結婚相後, 謝菲就即刻book wakeboard. 星期日大家期待既wakeboard sunday來到啦. 但係天氣麻麻地, 太陽伯伯唔知去咗邊, 成日天陰陰, 間唔時有一兩陣雨. 雖然天氣唔好, 但總算無行雷閃電, 可以玩到wakeboard! 玩完後仲食番個tea, 正呀!
成半年無玩, 玩完之後成個人散晒, 今朝起身時, 就身痛曝!
貓貓既眼睛真係要小心啲呀, 事原係其實我隻貓貓佢5個月大既時候, 佢左眼眼角膜有輕微花痕, 唔知係佢玩既時候唔小心整到或係因為敏感而引起, 當時已經帶了佢睇醫生, 之後已經好番.
但係上個月(現在已經1歲), 佢隻左眼再次時不時單眼, 但因為佢睇開個獸醫係灣仔, 咁當晚係urgent所以就只係帶佢去咗旺角一間獸醫診所, 而呢個獸醫只係話佢可玩既時候唔小心整到隻眼, 於是開咗啲藥及眼藥水, 一星期後, 情況未有大改善, 於是返去複診, 今次佢轉另外隻藥, 一星期後都係唔掂, 最後番去灣仔嗰間獸醫.
呢次大鑊, 佢話貓貓左眼眼角膜因為可能佢細個時那條花痕未原原全全好番或有細菌引起, 因此眼角膜自行嘗試自行修補, 因而引起眼角膜表面花痕上增生好多微絲血管, 如果再嚴重啲貓貓隻左眼會盲, 但好彩現在仲係初步階段, 所以可以做手術移除增生的微絲血管. ai~~~~~手術費好貴呀, 超肉赤!!!
所以今次既教訓係, 最好去翻相熟既獸醫診所, 同埋如果你發現貓貓既眼成日單係一邊眼, 咁你就要留意吓啦, 因為一有事就要快啲帶佢睇獸醫啦!!!!!
可憐肥糖糖, 因為手術後要在眼角尾縫了一針, 所以要暫時要做單眼貓3個星期!
雖然係單眼貓, 但依然係頑皮貓, 成日想攪個魚缸!
婚紗相會影兩間, 一間就係現代經典(酒店送既), 另一間就係Luva production, 佢地係freelance, 前身叫Voila-nouveau. 搵到呢間公司係因為之前一個best friend結婚時, 佢搵咗個makeup artist化妝, 之後細問下, 原來佢地有間studio幫人影婚紗相, 睇過sample後覺得佢地影indoor studio果part好得意, 同普通果啲婚紗攝影公司好唔同, 於是就join咗!
影相果日首先係studio影咗先, 之後先出外景 (大潭水塘->石澳->中環夜景), 由11am影到10pm, 超tired, 夠晒皮, 不過好彩個日天氣好好(haha,,第二日就勁大雨
) 相已經選咗, 現在非常之期待啲相呀, 希望快啲有sample睇!!!
係studio影相時偷影既!
尖沙咀呢間燒魂一, 真係好正,,,,,,,,,,,,,,,,,,,,,,,,十分正!!!!!
自從係2月份試過1次後, 就不其然咁心思思想再去食, 點解?!因為係和牛,海鮮及魚生放題,,,,,,,,,
啲和牛粒元貝及大蝦真係好好食同大大隻, 雖然係放題, 但係質素一啲都唔差, 仲好好! 價錢合理(~$260), 但食既時間係分段, 同埋最好book咗位先去啦!
